ఆలూ ఫ్రై

ఆలుగడ్డ వేపుడు ఇష్టపడని వారు బహుశా ఎవరూ ఉండరేమో.ఇంట్లో 

ఏ కూరగాయలూ లేనప్పుడు కూడా రెండు దుంపలు ఉంటే రెడీ 

అయిపోయే ఈకూరను మైక్రోవేవ్ లో ఇంకా సింపుల్ గా చేసెయ్యొచ్చు. 

కావలసిన పదార్ధాలు:


బంగాళదుంపలు              మూడు 

ఉల్లిపాయ                      ఒకటి 

పచ్చిమిర్చి                     రెండు 

కరివేపాకు                      ఒకరెమ్మ 

కొత్తిమీర                        కొద్దిగా 

అల్లంతురుము               అర స్పూన్ 

ఉప్పు,కారం,పసుపు,నూనె,గరంమసాలా పొడి 

తాలింపుకు శనగపప్పు,ఆవాలు,జీలకర్ర,ఎండుమిర్చి.



తయారు చేసే విధానం:



దుంపలు చెక్కు తీసి సన్నగా తరిగి నీళ్ళలో వేయాలి.

అల్లం,మిర్చి నూరుకోవాలి.

మైక్రో సేఫ్ బౌల్ లో నూనె వేసి వేడిచేసి తాలింపు దినుసులు వేసి 

ఒక నిమిషం హై లో పెట్టాలి.

సన్నగా తరిగిన ఉల్లిపాయ,అల్లం మిర్చి ముద్ద వేసి రెండు నిమిషాలు

 పెట్టాలి.

ఇప్పుడు ఆలు ముక్కలు వేసి కలిపి మూడు నిముషాలు హై లో పెట్టాలి.

ఉప్పు,పసుపు,కారం వేసి ఒకసారి కలిపి మళ్ళీ మూడు నిముషాలు 

పెట్టాలి.

చివరగా గరం మసాలా పొడి,కొత్తిమీర వేసి కలిపి మరొక రెండు 

నిముషాలు పెడితే కమ్మని ఫ్రై రెడీ అవుతుంది.

మైక్రోవేవ్ లో చేయడం వలన కూర ముద్ద అవకుండా పొడిపొడిగా 

వస్తుంది.

ఆలూ ఫ్రై

పనీర్ ఎగ్ కర్రీ

పనీర్,ఎగ్  రెండూ పిల్లలు ఇష్టంగా తినేవే.ఈ రెంటితో సింపుల్ గా 

అయిపోయే ఈ కూర అన్నంలోకి,చపాతీ లోకీ కూడా బావుంటుంది.

కావలసిన పదార్ధాలు :




పనీర్                          100 గ్రాములు 

ఎగ్స్                            రెండు 

టమాటాలు                    రెండు 

ఉల్లిపాయ                     ఒకటి 

పచ్చిమిర్చి                   రెండు 

కరివేపాకు                    ఒక రెమ్మ 

కొత్తిమీర                      కొద్దిగా 

అల్లం తురుము             అర స్పూన్ 

వెల్లుల్లి                       రెండు రెబ్బలు 

ఉప్పు,కారం,పసుపు,నూనె,గరంమసాలా పొడి.

తాలింపుకు ఆవాలు,జీలకర్ర,శనగపప్పు,ఎండుమిర్చి.



తయారు చేసే విధానం:




పనీర్ ను పొడిపొడిగా చిదిమి ఉంచుకోవాలి.

నూనె వేడి చేసి తాలింపు వేసి సన్నగా తరిగిన ఉల్లి,మిర్చి వేసి 

వేయించాలి.

ఇప్పుడు సన్నగా తురిమిన అల్లం,వెల్లుల్లి,కరివేపాకు వేసి వేగిన 

తరువాత టమాట ముక్కలు వేయాలి.

తగినంత ఉప్పు,కారం,పసుపు వేసి టమాటా బాగా మెత్తగా అయ్యేదాకా 

ఉడికించాలి.

ఈలోగా మరొక పాన్ లో ఒక టీ స్పూన్ నూనెలో ఎగ్స్ బ్రేక్ చేసి వేసి 

పొడిగా వేయించాలి.

టమాట మెత్తగా ఉడికిన తరువాత పనీర్ ను,వేయించుకున్న ఎగ్స్ ను

 వేసి బాగా కలపాలి.

చివరగా గరంమసాలా పొడి,కొత్తిమీర వేసి కలిపి కొంచెంసేపు వేయించి 

దింపెయ్యాలి.


ఇష్టం ఉంటే ఇందులో ఉడికించిన పచ్చిబటానీ లేదా కాప్సికం కూడా 

వేసుకోవచ్చు.

పనీర్ ఎగ్ కర్రీ

సోయా - గ్రీన్ పీస్ కర్రీ

పూరీ,చపాతీ ఇలాంటి వాటికి ఈ కూర మంచి జోడీ .అన్నంలోకి కూడా 

బావుంటుంది.ఎక్కువ కూరలు తరిగే పని లేకుండా సింపుల్ గా 

అయిపోతుంది.

కావలసిన పదార్ధాలు:

సోయా గ్రాన్యూల్స్                  ఒక కప్పు 

పచ్చి బటానీలు                     ఒక కప్పు 

టమాటాలు                          రెండు 

ఉల్లిపాయ                           ఒకటి 

పచ్చిమిర్చి                         రెండు 

కరివేపాకు                          ఒక రెమ్మ 

కొత్తిమీర                            కొద్దిగా 

అల్లంవెల్లుల్లి పేస్ట్                 ఒక టీ స్పూన్ 

గరంమసాలాపొడి               అర టీ స్పూన్

ఉప్పు,కారం,పసుపు,నూనె,తాలింపు దినుసులు 

తయారు చేసే విధానం:

సోయా గ్రాన్యూల్స్ ను మరిగే నీటిలో వేసి రెండు మూడు నిముషాలు 

ఉడికించాలి.

చల్లారక వడపోసి చల్లని నీళ్ళతో రెండుసార్లు కడిగి నీరు పిండేసి 

ఉంచాలి.

నూనె వేడిచేసి తాలింపు వేసి సన్నగా తరిగిన ఉల్లి,మిర్చి,కరివేపాకు

వేయించాలి.ఇప్పుడు అల్లంవెల్లుల్లి ముద్ద వేసి వేయించి టమాటా 

ముక్కలు వేయాలి.

టమాటా బాగా ఉడికిన తరువాత సోయా గ్రాన్యూల్స్,తగినంత

ఉప్పు,కారం,పసుపు వేసి  వేయించాలి.

చివరగా ఉడికించిన బటానీలు,కొత్తిమీర,మసాలాపొడి కూడా వేసి బాగా 

కలిపి కూర డ్రైగా అయ్యాక స్టవ్ ఆఫ్ చెయ్యాలి.     

సోయా - గ్రీన్ పీస్ కర్రీ

ప్రాన్స్ కాజూ ఫ్రై

సీ ఫుడ్ లో అందరూ చాలా ఇష్టంగా తినేవి రొయ్యలు.వీటికి కాజూ 

కలిపి ఫ్రై చేస్తే చాలా బావుంటుంది.బిర్యానీ,పులావ్ ల్లోకి మంచి 

కాంబినేషన్ అవుతుంది.

కావలసిన పదార్ధాలు:

రొయ్యలు                   ఒక కేజీ 

ఉల్లిపాయ                   ఒకటి 

పచ్చిమిర్చి                 రెండు 

కరివేపాకు                  రెండు రెమ్మలు 

కొత్తిమీర                    ఒక కట్ట 

టమాటా ప్యూరీ             ఒక టేబుల్ స్పూన్

జీడిపప్పు                    కొద్దిగా

ఉప్పు,కారం,పసుపు,నూనె 

మసాలాకు 

ఆరేడు లవంగాలు,చిన్న దాల్చినచెక్క,ఒక టేబుల్ స్పూన్ ధనియాలు,

ఒక టీస్పూన్ జీలకర్ర,ఒక టేబుల్ స్పూన్ గసగసాలు,

చిన్న అల్లంముక్క,వెల్లుల్లి రెబ్బలు ఏడెనిమిది     

తయారు చేసే విధానం:

నూనె వేడిచేసి సన్నగా తరిగిన ఉల్లి,మిర్చి వేసి ఎర్రగా వేయించాలి.

ఇప్పుడు కరివేపాకు,శుభ్రం చేసుకున్న రొయ్యలు,పసుపు వేయాలి.

ఈలోగా మసాలాలు అన్నీ మెత్తగా పొడి చెయ్యాలి. ఇందులోనే 

అల్లం,వెల్లుల్లి,కొత్తిమీర కొంచెం నీరు పోసి పేస్ట్ చేసుకోవాలి.

రొయ్యలు కొంచెం ఉడికిన తరువాత ఈ పేస్ట్,టమాటా ప్యూరీ,తగినంత

ఉప్పు వేసి కలిపి ఉడికించాలి.

రొయ్యలు పూర్తిగా ఉడికి కూర బాగా దగ్గరవుతుండగా వేయించుకున్న 

జీడిపప్పు వేసి,కొంచెం తరిగిన కొత్తిమీర వేసి రెండు నిముషాలు ఉంచి 

స్టవ్ ఆఫ్ చెయ్యాలి.

జీడిపప్పును కూరలో కలిపి కూడా ఉడికించవచ్చు.అయితే ఇలా విడిగా 

వేయించి కలిపితే క్రిస్పీగా బావుంటాయి.

ప్రాన్స్ కాజూ ఫ్రై

వంకాయ - బటానీ కూర

వంకాయతో చాలా రకాల కూరలు చెయ్యొచ్చు.ఈ సీజన్లో బాగా దొరికే 

బటానీలు కలిపి చేస్తే కూడా బావుంటుంది.అయితే సన్నగా పొడవుగా 

ఉండే వంకాయలు వాడితే మంచిది.

కావలసిన పదార్ధాలు:

వంకాయలు                    పావుకిలో 

బటానీలు                        అర కప్పు 

ఉల్లిపాయ                       ఒకటి 

పచ్చిమిర్చి                     నాలుగు 

అల్లం                           చిన్నముక్క

కరివేపాకు                      ఒక రెమ్మ 

మసాలాపొడి                  అర స్పూన్

ఉప్పు,కారం,పసుపు,నూనె,కొత్తిమీర

తాలింపుకు శనగపప్పు,ఆవాలు,జీలకర్ర,ఎండుమిర్చి 

తయారు చేసే విధానం:

నూనె వేడిచేసి తాలింపు వేసుకోవాలి.

కరివేపాకు, సన్నగా తరిగిన ఉల్లిపాయలు వేసి వేయించాలి.

ఇప్పుడు అల్లం,మిర్చి,కొత్తిమీర కలిపి నూరిన పేస్ట్ వేసి వేగనివ్వాలి.

సన్నగా కోసిన వంకాయ ముక్కలు,చిటికెడు పసుపు వేసి కలిపి 

మగ్గనివ్వాలి. 

వంకాయ ముక్కలు వేగిన తరువాత,తగినంత ఉప్పు,కారం వేసి కలిపి 

ఉడికించిన బటానీలు కూడా వేసి వేయించాలి.

చివరగా గరంమసాలాపొడి చల్లి రెండు నిముషాలు ఉంచి దింపెయ్యాలి.

వంకాయ - బటానీ కూర

బీన్స్ - కారట్ పాటోళీ

పాటోళీ  ట్రెడిషనల్ రెసిపీ.బీన్స్,కారట్ బదులు గోరుచిక్కుళ్ళతో కూడా 

ఈ కూర చేసుకోవచ్చు.లేదా మెంతికూర,కాబేజ్ ఇలాంటివి వేసి కూడా 

చెయ్యొచ్చు.రైస్ లోకి,చపాతీలోకి వెరైటీగా బావుంటుంది.

కావలసిన పదార్ధాలు:

 ఫ్రెంచ్ బీన్స్                           ఒక కప్పు 

కారట్                                 ఒక కప్పు 

శనగపప్పు                            ఒక కప్పు 

పచ్చిమిర్చి                            మూడు 

అల్లం ముక్క                         చిన్నది 

జీలకర్ర                                ఒక టీ స్పూన్

కరివేపాకు                            ఒక రెమ్మ 

కొత్తిమీర                              కొంచెం

ఉప్పు,కారం,పసుపు,నూనె,గరంమసాలాపొడి,తాలింపుదినుసులు 

తయారు చేసే విధానం:

బీన్స్,కారట్ సన్నగా తరిగి ఉడికించాలి.

శనగపప్పు నానబెట్టుకోవాలి.ఇందులో అల్లం,మిర్చి,జీలకర్ర వేసి కోర్స్ 

గా గ్రైండ్ చేసుకోవాలి.  

నూనె వేడిచేసి తాలింపు వేసి శనగపప్పు పేస్ట్ వేసి వేయించాలి.కొంచెం 

పొడిగా అయ్యాక బీన్స్ కారట్ వేయాలి.

ఉప్పు,పసుపు,కారం వేసి కలిపి సిమ్ లో కూర పొడిగా అయ్యేవరకు 

వేయించి చివరగా కొత్తిమీర,మసాలాపొడి చల్లి కలపాలి.

వేడివేడి అన్నంలో ఈ కూరతో నెయ్యి వేసుకుని తింటే చాలా రుచిగా 

ఉంటుంది.   

ఇందులో పచ్చిమిర్చి బదులు ఎండుమిర్చి వాడొచ్చు.అలాగే ఇష్టం 

లేకపోతే మసాలాపొడి వేయడం మానెయ్యొచ్చు

           

బీన్స్ - కారట్ పాటోళీ

చిక్కుడుకాయ ఫ్రై

చిక్కుడుకాయ కూర చాలామంది ఇష్టంగా తింటారు.మా ఇంట్లో అయితే 

రోజూ చేసినా ఇష్టమే.కాకపోతే కాయల్లో నిండుగా గింజలు ఉండాలి.ఫ్రై 

చేసినా,టమాటా కలిపి కూర ఒండినా బావుంటుంది.

కావలసిన పదార్ధాలు:

చిక్కుడుకాయలు                  పావుకిలో 

కరివేపాకు                          ఒక రెమ్మ 

ఉప్పు,పసుపు,నూనె 

తాలింపుకు 

శనగపప్పు,మినప్పప్పు,ఆవాలు,జీలకర్ర,ఎండుమిర్చి,వెల్లుల్లిరెబ్బలు,

పచ్చికారం (కూరల్లో వేసే సంబారుకారం బావుండదు)

తయారు చేసే పద్దతి :

చిక్కుడు కాయలు ముక్కలు చేసి ఉడికించుకోవాలి.

ఈ కూర రుచి అంతా తాలింపు వేయడంలోనే ఉంటుంది.

నూనె వేడిచేసి పప్పులు,ఆవాలు,జీలకర్ర,అయిదారు వెల్లుల్లిరెబ్బలు 

కొద్దిగా చిదిమి వెయ్యాలి. ఇవి దోరగా వేగాక కరివేపాకు కూడా వేసి 

సిమ్ లో పెట్టి పచ్చికారం వెయ్యాలి.స్టవ్ హైలో ఉంటే కారం 

మాడిపోతుంది.

ఒక్క నిమిషం అన్నీవేయించి చిక్కుళ్ళు కూడా వేయాలి.తగినంత 

ఉప్పు,పసుపు వేసి ముక్కల్లో తడి పోయేవరకు వేయించాలి.

చిక్కుడుకాయ ఫ్రై

ఆలూ గోబీ ఫ్రై

కాలీఫ్లవర్ సీజన్ మొదలైంది.దీన్ని టమాటా,బటానీ,ఎగ్స్ ఇలా దేనితో 

వండినా ఇష్టంగా తినొచ్చు.ఆలూతో కలిపి చేసే ఈ వేపుడు అన్నంలోకి, 

చపాతీలోకి బావుంటుంది.

కావలసిన పదార్ధాలు:

కాలీఫ్లవర్                         ఒకటి చిన్నది 

ఆలూ                              రెండు 

ఉల్లిపాయ                          ఒకటి 

పచ్చిమిర్చి                        రెండు 

కరివేపాకు                         ఒక రెమ్మ 

కొత్తిమీర                          ఒక కట్ట

అల్లం                            చిన్న ముక్క 

వెల్లుల్లి                           నాలుగు రెబ్బలు

గరంమసాలా పొడి             అర టీస్పూన్ 

ఉప్పు,కారం,పసుపు,నూనె ,తాలింపు దినుసులు

తయారు చేసేవిధానం:

కాలీఫ్లవర్ ను చిన్నపువ్వులుగా విడదీసి ఆలూ ముక్కలతో కలిపి

కొంచెం ఉడికించి వార్చాలి.

నూనె వేడిచేసి తాలింపు వేసి సన్నగా తరిగిన ఉల్లిముక్కలు,కరివేపాకు 

వేసి వాయించాలి.

అల్లం,మిర్చి,వెల్లుల్లి కలిపి గ్రైండ్ చేసుకుని ఈ పేస్ట్ వేసి వేయించాలి.

ఇప్పుడు ఉడికించిన ఆలూ,గోబీ వేసి కలపాలి.

తగినంత ఉప్పు,కారం,పసుపు వేసి ముక్కలు పూర్తిగా ఉడికేదాక 

వేయించాలి.

చివరగా గరంమసాలా పొడి,కొత్తిమీర వేసి కలపాలి.

 

ఆలూ గోబీ ఫ్రై

మలై ప్రాన్స్

నాన్ వెజ్ లో చికెన్ తరువాత చాలా ఇష్టంగా తినేవి రొయ్యలు.ఈ కర్రీ 

బిర్యానీ,పులావుల్లోకి,ముఖ్యంగా కొబ్బరన్నం(కొబ్బరిపాలతో చేసే రైస్)

లోకి చాలా బావుంటుంది.

కావలసిన పదార్ధాలు:

రొయ్యలు                             కిలో 

ఉల్లిపాయలు                         రెండు

పచ్చిమిర్చి                          రెండు 

కరివేపాకు                           ఒక రెమ్మ 

కొత్తిమీర                             ఒక కట్ట 

మీగడ(క్రీం)                        రెండు టేబుల్ స్పూన్స్  

అల్లంవెల్లుల్లి ముద్ద                 రెండు టీ స్పూన్స్

ఉప్పు,కారం,పసుపు,నూనె 

తాలింపుకు ఆవాలు,జీలకర్ర,ఎండుమిర్చి 

మసాలా పొడి కోసం:

ఆరు లవంగాలు,చిన్న దాల్చినచెక్క ముక్క,ఒక టీస్పూన్ ధనియాలు,

అర టీస్పూన్ జీలకర్ర,ఒక టీస్పూన్ గసగసాలు,కొంచెం ఎండుకొబ్బరి 

అన్నీకలిపి మెత్తగా పొడి కొట్టుకోవాలి.

తయారు చేసే విధానం:

రెండు టేబుల్ స్పూన్స్ నూనె వేడిచేసి సన్నగా తరిగిన ఉల్లిముక్కలు,

మిర్చి,కరివేపాకు వేసి దోరగా వేయించాలి.

ఇప్పుడు అల్లంవెల్లుల్లి ముద్ద వేసి వేయించి, గ్రైండ్ చేసుకున్నమసాలా

పొడి కూడా వేయాలి.పసుపు,కారం కొద్దిగా నీళ్ళు చల్లి బాగా కలపాలి.

రెండు నిమిషాల తరువాత శుభ్రం చేసి కడిగి పెట్టుకున్న రొయ్యలు వేసి 

ఉడికించాలి.

చివరగా తగినంత ఉప్పువేసి అవసరమైతే ఓ పావుకప్పు నీళ్ళు పోయాలి.

రొయ్యలు ఉడికి కూర దగ్గరవుతుండగా తరిగిన కొత్తిమీర,క్రీం వేసి కలిపి 

మరో రెండు నిముషాలు ఉడికించాలి.

ఎంతో రుచిగా ఉండే ఈ మలైప్రాన్స్ రోటీ,నాన్ వీటితో కూడా 

బావుంటుంది.

 

మలై ప్రాన్స్

కారట్ - పెసరపప్పు ఫ్రై

కారట్ తురుము,స్ప్రింగ్ ఆనియన్స్,పెసరపప్పు కలిపి చేసే ఈ కూర 

చాలా త్వరగా అయిపోతుంది.రైస్ లోకి బావుంటుంది.

కావలసిన పదార్ధాలు:

కారట్ తురుము                   ఒక కప్

పెసరపప్పు                          ఒక కప్ 

ఉల్లికాడలు                         ఒక కప్ 

మిర్చి                              రెండు 

కరివేపాకు                        ఒక రెమ్మ 

ఉప్పు,కారం                       తగినంత 

పసుపు                           చిటికెడు 

నూనె                             రెండు టీస్పూన్స్

గరంమసాలాపొడి                పావు టీస్పూన్

తాలింపుకు శనగపప్పు,ఆవాలు,జీలకర్ర,వెల్లుల్లిరెబ్బలు

తయారు చేసే విధానం:

పెసరపప్పు కొంచెం ఉడికించి వార్చాలి.

నూనె వేడిచేసి తాలింపు వేసి సన్నగా తరిగిన మిర్చి,ఉల్లికాడలు,

కారట్ తురుము వేసి పచ్చిదనం పోయేవరకూ వేగనివ్వాలి,

ఇప్పుడు ఉడికించిన పెసరపప్పు వేసి బాగా కలిపి వేయించాలి,

ఉప్పు,కారం,పసుపు వేసి బాగా వేయించి చివరగా గరంమసాలాపొడి 

చల్లాలి.ఉల్లికాడల బదులు కొత్తిమీర వేసినా బావుంటుంది.

కారట్ - పెసరపప్పు ఫ్రై

కాలీఫ్లవర్ బటానీ ఫ్రై

కాలీఫ్లవర్ ను దేనితో కలిపి వండినా రుచిగా ఉంటుంది.చాలా సన్నగా 

తురుములాగా తరిగి,పచ్చిబటానీ వేసి వండితే చాలా బావుంటుంది.

బటానీలను కొంచెం మెదిపి ఈ కూరతో పరోటాలు కూడా చేసుకోవచ్చు.

 

కావలసిన పదార్ధాలు:

కాలీఫ్లవర్                         ఒకటి చిన్నది 

పచ్చిబటానీ                      ఒక కప్పు 

ఉల్లిపాయ                         ఒకటి

మిర్చి                              రెండు

కరివేపాకు                         ఒక రెమ్మ 

అల్లంవెల్లుల్లి ముద్ద              ఒక స్పూన్ 

గరంమసాలా పొడి                ఒక స్పూన్

ఉప్పు,కారం                       తగినంత 

పసుపు                            కొంచెం 

నూనె                               రెండు టేబుల్ స్పూన్లు 

తాలింపుకు  శనగపప్పు, మినప్పప్పు,ఆవాలు,జీలకర్ర,ఎండుమిర్చి 

తయారు చేసే విధానం :

నూనె వేడిచేసి తాలింపు వేసుకోవాలి 

సన్నగా తరిగిన ఉల్లి,మిర్చి,కరివేపాకు వేసి దోరగా వేయించాలి.

అల్లంవెల్లుల్లి ముద్ద వేసి పచ్చివాసన పోయేవరకు వేయించి సన్నగా 

తరిగిన కాలీఫ్లవర్ తురుము,పచ్చిబటానీలు వేసి కొంచెం వేయించాలి.

ఇప్పుడు పసుపు,తగినంత ఉప్పు,కారం,వేసి కలిపి మూత పెట్టి సన్నని 

సెగపై మగ్గనివ్వాలి.నీరు అంతా ఇగిరిపోయాక గరంమసాల పొడి,

కొత్తిమీర వేసి రెండు నిమిషాలు వేయించి తీసేయ్యాలి.

     

 

కాలీఫ్లవర్ బటానీ ఫ్రై

ములక్కాయ (పాలు పోసి కూర)

ములక్కాయ,సొరకాయ ఇలా అన్ని పాలుపోసి చేసే కూరలూ వేడి 

వేడి అన్నంలో తినడానికి బావుంటాయి.బుజ్జి కుక్కర్ లో చేస్తే అయిదు 

నిమిషాల్లో చాలా తొందరగా అయిపోతాయి

కావలసిన పదార్ధాలు :

ములక్కాయలు                            రెండు 

ఉల్లిపాయలు                               మూడు

మిర్చి                                      మూడు 

కరివేపాకు                                 ఒక రెమ్మ 

ఉప్పు,కారం                               తగినంత 

పసుపు                                    కొంచెం

పాలు                                      అర కప్పు 

నూనె                                     మూడు టేబుల్ స్పూన్లు 

తాలింపుకు శనగపప్పు,మినప్పప్పు,ఆవాలు,జీలకర్ర,ఎండుమిర్చి 

తయారు చేసే విధానం:

నూనె వేడిచేసి తాలింపు వేసుకోవాలి.

సన్నగా తరిగిన ఉల్లి,మిర్చి,కరివేపాకు వేసి ఉల్లిపాయ ముక్కలు బాగా 

వేయించాలి.

ఇప్పుడు కడిగిన ములక్కాయ ముక్కలు వేసి వేయించాలి 

రెండునిమిషాల తరువాత ఉప్పు,కారం పసుపు వేసి అరగ్లాసు నీళ్ళు 

పోసి కలిపి కుక్కర్ మూత పెట్టి మూడు విజిల్స్ వచ్చేవరకు 

ఉడికించాలి 

స్టీం పోయిన తరువాత తీసి నీరు ఇగిరే వరకు ఉడికించి అప్పుడు ఒక 

కప్పు పాలుపోసి అవి ఇగిరి కూర చిక్కబడేవరకు ఉంచి దించెయ్యాలి 

ఇందులో పాలు పోసేటప్పుడు ఒక స్పూన్ శనగపిండి పాలలో కలిపి వేస్తే 

కూడా కూర చాలా రుచిగా ఉంటుంది.గ్రేవీ కూడా చిక్కగా వస్తుంది 

ములక్కాయ (పాలు పోసి కూర)

స్పైసీ చికెన్ ఫ్రై

చాలా ఇష్టంగా తినే ఈ చికెన్ ఫ్రై చాలా ఈజీగా చేసెయ్యొచ్చు.కొంచెం 

స్పైసీగా ఉంటేనే రుచి బావుంటుంది.రైస్ లోకి సాంబారు,రసం వీటిలోకి 

తినడానికి బావుంటుంది 

కావలసిన పదార్ధాలు:

 
చికెన్                             అర కేజీ
 

ఉల్లిపాయలు                     రెండు
 

మిర్చి                             మూడు
 

కొత్తిమీర                          అర కప్పు
 

కరివేపాకు                        ఒక రెమ్మ
 

పచ్చి కొబ్బరి                     అర కప్పు
 

ఉప్పు,కారం                       తగినంత
 

పసుపు                           కొంచెం
 

నూనె
 

అల్లంవెల్లుల్లి ముద్ద              రెండు టీ స్పూన్స్
 

గరం మసాలా పొడి              రెండు టీ స్పూన్స్


తయారు చేసే విధానం:

 

కొబ్బరి తురుము,కొత్తిమీర,మిర్చి గ్రైండ్ చేసుకోవాలి.
 

నూనె వేడిచేసి సన్నగా తరిగిన ఉల్లిపాయలు,కరివేపాకు వేసి ఎర్రగా 

వేయించాలి.
 

అల్లంవెల్లుల్లి ముద్ద వేసి కొంచెం వేగాక కొబ్బరి కొత్తిమీర పేస్ట్ వేసి బాగా 

వేయించాలి.
 

పసుపు,కారం వేసి కలిపి నూనె తేలాక చికెన్ వేసి కలిపి హై లో రెండు 

మూడు నిముషాలు ఉంచాలి.
 

ఒకసారి  కలిపి మూతపెట్టి సిమ్ లో ఉడికించాలి.అవసరం అయితే 

ఒక పావుకప్ నీళ్ళు పోయొచ్చు.
 

చికెన్ మెత్తగా ఉడికిన తరువాత ఉప్పు,గరంమసాలా పొడి వేయాలి.
 

గ్రేవీ అంతా ఇగిరేవరకు ఫ్రై చెయ్యాలి.సన్నని మంటపై వేయిస్తే 

బావుంటుంది.ఇంకా స్పైసీగా కావాలంటే చివరలో మిరియాలపొడి 

కూడా వేసుకోవచ్చు.

స్పైసీ చికెన్ ఫ్రై

పాలక్ - ఎగ్ ఫ్రై

ఎగ్ కర్రీ రెగ్యులర్ గా చేస్తుంటాము ఎవరమైనా.అందులోనే పాలకూర,

మెంతికూర ఇలాంటివి కలిపితే కొత్తరుచితో కూర బావుంటుంది.కొంచెం 

వెరైటీగా ఉంటుంది.ఆకుకూరలు ఎక్కువ వాడినట్టు ఉంటుంది.

కావలసిన పదార్ధాలు

ఎగ్స్                          మూడు
 

పాలకూర                   రెండు కట్టలు
 

ఉల్లిపాయ                   ఒకటి పెద్దది
 

మిర్చి                         రెండు
 

ఉప్పు,కారం                  తగినంత
 

పసుపు                      కొంచెం
 

నూనె                        రెండు టేబుల్ స్పూన్లు
 

గరంమసాల పొడి          అర టీ స్పూన్    

శనగపప్పు,మినప్పప్పు,ఆవాలు,జీలకర్ర,ఎండుమిర్చి.కరివేపాకు 


తయారు చేసే విధానం:

 

నూనె వేడి చేసి తాలింపు వేయాలి.
 

సన్నగా తరిగిన ఉల్లి,మిర్చి కరివేపాకు వేసి వేయించాలి.
 

ఇప్పుడు సన్నగా తరిగిన పాలకూర వేసి చిటికెడు ఉప్పు వేసి నీరంతా 

పోయేవరకూ ఉడికించాలి.
 

పసుపు,కారం,తగినంత ఉప్పు వేసి కలిపి కొంచెం వేయించి, గుడ్లు 

కొట్టి ఇందులో వేయాలి.
 

కొంచెం ఉడికాక ఒకసారి కలిపి గరంమసాలాపొడి చల్లి  పొడిపొడిగా 

వేయించుకోవాలి.
 

ఈ కూర అన్నంలోకి,చపాతీ లోకి బావుంటుంది.ఇందులో పాలకూర 

బదులు మెంతికూర కూడా వేసి చెయ్యొచ్చు

పాలక్ - ఎగ్ ఫ్రై

కొబ్బరి - శనగపప్పు కూర

పచ్చి కొబ్బరి తురుము,శనగపప్పు కలిపి చేసే ఈ కూర చాలా రుచిగా 

ఉంటుంది.సింపుల్ గా అయిపోతుంది కూడా. 

కావలసిన పదార్ధాలు:

శనగపప్పు                                    ఒక కప్పు 

కొబ్బరి తురుము                            ఒక కప్పు 

ఉల్లిపాయ                                      ఒకటి 

మిర్చి                                           రెండు 

కరివేపాకు                                     ఒక రెమ్మ 

అల్లంవెల్లుల్లి పేస్ట్                             అర స్పూన్ 

గరం మసాల పొడి                           ఒక టీ స్పూన్ 

నూనె                                         ఒక టేబుల్ స్పూన్ 

తాలింపుకు  ఆవాలు,జీలకర్ర ఎండుమిర్చి

తయారు చేసే విధానం:

శనగపప్పు ఒక అరగంట నానబెట్టుకోవాలి 

ఇపుడు ఉల్లి,మిర్చి ముక్కలు కలిపి తగినన్ని నీళ్ళు పోసి కుక్కర్లో వేసి 

ఉడికించుకోవాలి.

మూత తీసాక కొబ్బరితురుము,ఉప్పు,కారం,అల్లంవెల్లుల్లి పేస్ట్,మసాలా 

అన్నీ వేసి కూర చిక్కబడేదాకా ఉడికించుకోవాలి.

నూనె వేడిచేసి తాలింపు వేసి కలిపితే ఘుమఘుమలాడే కొబ్బరి కూర 

రెడీ అయిపోతుంది.అన్నంలోకి ఇది చాలా బావుంటుంది. 

కొబ్బరి - శనగపప్పు కూర

టమాటా పెప్పర్ చికెన్

చికెన్ తో ఎన్ని రకాల వెరైటీలు అయినా ఈజీగా చేసెయ్యొచ్చు

టమాటా,మిరియాలపొడి  వేసి చేసే ఈ కర్రీ కొంచెం స్పైసీగా అన్నంలోకి

అయినా,చపాతీ లోకి అయినా బావుంటుంది.

కావలసిన పదార్దాలు :



చికెన్                              పావుకిలో

ఉల్లిపాయ                         ఒకటి

టమాటా                           ఒకటి 

మిర్చి                              రెండు

కరివేపాకు                         ఒక రెమ్మ

అల్లంవెల్లుల్లి ముద్ద              ఒక టీ స్పూన్
 
గరం మసాలా పొడి             ఒక టీ స్పూన్

కొత్తిమీర                             కొంచెం

మిరియాలపొడి                    రెండు టీ స్పూన్స్ 

పసుపు                             కొంచెం

ఉప్పు,కారం                        తగినంత

నూనె                              రెండు టేబుల్ స్పూన్స్


తయారు చేసే విధానం:


నూనె వేడిచేసి సన్నగా తరిగిన ఉల్లిపాయముక్కలు,మిర్చి,కరివేపాకు

వేసి దోరగా వేయించాలి.

అల్లంవెల్లుల్లి ముద్ద వేసి వేగిన తరువాత టమాటా ముక్కలు వేసి

వేయించాలి.

ఇప్పుడు చికెన్ వేసి కలిపి మూతపెట్టి సన్నని సెగపై ఉడికించాలి.కొంచెం

ఉడికిన తరువాత పసుపు,కారం,ఉప్పు,వేసి కొంచెం నీరు పోయాలి.

చికెన్ మెత్తగా ఉడికిన తరువాత గరంమసాల పొడి,మిరియాలపొడి,

కొత్తిమీర వేసి కలిపి బాగా ఫ్రై చెయ్యాలి.ఒక బౌల్ లోకి తీసుకుని

కొత్తిమీర చల్లి ఉల్లి చక్రాలతో అలంకరించుకోవాలి.

టమాటా పెప్పర్ చికెన్

కాబేజ్ - ఎగ్ ఫ్రై

కాబేజ్ ఆరోగ్యానికి మంచిది.కానీ అంతగా నచ్చదు ఎవరికీ.అందుకే 

రకరకాల వెరైటీలు చెయ్యడం తప్పనిసరి.వాటిలో చాలా ఇష్టంగా తినే 

ఐటం ఎగ్స్ తో కలిపి చేసే ఈ ఫ్రై.అన్నంలోకి,చపాతిలోకి కూడా ఇది 

బావుంటుంది

కావలసిన పదార్ధాలు:

కాబేజ్                                       పావుకిలో 

ఎగ్స్                                         రెండు 

ఉల్లిపాయ                                   ఒకటి

మిర్చి                                       మూడు 

అల్లంవెల్లుల్లి ముద్ద                      ఒక టీస్పూన్

గరంమసాల పొడి                        ఒక టీ స్పూన్ 

ఉప్పు,కారం                                తగినంత 

పసుపు                                    చిటికెడు 

నూనె                                       రెండు టేబుల్ స్పూన్లు

కొత్తిమీర                                    కొంచెం 

కరివేపాకు                                 ఒక రెమ్మ 

తాలింపుకు 

శనగపప్పు,మినప్పప్పు,ఆవాలు,జీలకర్ర,ఎండుమిర్చి

తయారు చేసే విధానం;

కాబేజ్ ను సన్నగా తరిగి కుక్కర్ లో వేసి ఒక విజిల్ రానివ్వాలి.ఇంకా 

ఎక్కువ విజిల్స్ రానిస్తే మెత్తగా అయిపోయి కూర బావుండదు. 

నూనె వేడి చేసి తాలింపు వేసి సన్నగా తరిగిన ఉల్లి,మిర్చి,కరివేపాకు 

వేసి దోరగా వేయించాలి.

అల్లంవెల్లుల్లి పేస్ట్ వేసి వేయించి పచ్చివాసన పోయాక కాబేజ్ వేసి 

ఉప్పు,పసుపు వేసి నీరు ఇగిరిపోయేవరకు బాగా వేయించాలి.

ఇప్పుడు కారం వేసి కలిపి దగ్గరయ్యాక,ఎగ్స్ బ్రేక్ చేసి వేయాలి,

ఒకసారి కలిపి సిమ్ లో ఉంచి ఉడకనివ్వాలి.ఎగ్స్ ఉడికాక గరం

మసాలపొడి,కొత్తిమీర వేసి కలిపి కొంచెం వేగాక స్టవ్ ఆఫ్ చెయ్యాలి.

ఒక బౌల్ లోకి తీసుకుని కొత్తిమీర చల్లాలి.

కాబేజ్ - ఎగ్ ఫ్రై