ఓట్స్ దోశ

ఇన్ స్టంట్ గా ఐదునిముషాలు కేటాయించి పిండి కలిపేసుకుంటే 

చక్కగా ఈ ఓట్స్ దోసెలు వేసుకోవచ్చు.ఎక్కువసేపు నానితే రవ్వ

దోశలాగా పలుచగా బాగా వస్తాయి. 

కావలసిన పదార్ధాలు:

ఓట్స్                           రెండు కప్పులు 

బొంబాయి రవ్వ                ఒక కప్పు 

గోధుమపిండి                  ఒక కప్పు 

బియ్యం పిండి                 ఒక కప్పు 

ఉప్పు                            తగినంత 

నూనె 

తయారు చేసే విధానం;

ఓట్స్ మెత్తగా గ్రైండ్ చేసుకుని ఒక బౌల్ లోకి తీసుకోవాలి.

ఇందులో మిగిలినవి అన్నీవేసి తగినంత ఉప్పు,నీళ్ళు కలిపి దోసెల 

పిండిలా కలుపుకోవాలి.

పెనం వేడిచేసి రవ్వదోశ వేసినట్టు పిండిని గరిటతో పోసెయ్యాలి. కొంచెం 

నూనెవేసి రెండువైపులా కాల్చాలి.

కావాలంటే ఉల్లి,మిర్చి,అల్లం అన్నీసన్నగా తరిగి కలుపుకోవచ్చు.

వేడిగా ఏదైనా చట్నీతో తింటే బావుంటాయి.

ఓట్స్ దోశ