మసాలా బేబీపొటాటోస్

ఈ సీజన్ లో చిన్నచిన్న బేబీపొటాటో లు బాగా దొరుకుతాయి వీటితో 

ఎక్కువగా గ్రేవీ కూరలు,దం ఆలూ చేస్తాము కదా,ఇలా మసాలా ఫ్రై చేస్తే 

కూడా చాలా బావుంటుంది.రైస్, చపాతిలోకి ,సాంబారు,రసం వీటిలోకి 

జతగా ఇవి బావుంటాయి.

కావలసిన పదార్ధాలు :

బేబీ ఆలూ                       పావుకిలో 

ఉల్లిపాయ                        ఒకటి 

మిర్చి                            అయిదు 

అల్లంవెల్లుల్లి ముద్ద             ఒక టీ స్పూను 

గరంమసాల పొడి               ఒక టీ స్పూను 

ఉప్పు,కారం                       తగినంత 

పసుపు                            పావు స్పూను 

కరివేపాకు                         ఒక రెమ్మ 

కొత్తిమీర                            ఒక కట్ట 

నూనె                               మూడు టేబుల్ స్పూన్లు 

తాలింపుకు శనగపప్పు,మినప్పప్పు,ఆవాలు,జీలకర్ర ,ఎండుమిర్చి.

తయారు చేసే విధానం:

ముందుగా ఆలూ ఉడికించి పొట్టు తీసి ఉంచాలి.

పచ్చిమిర్చి,కొత్తిమీర కలిపి గ్రైండ్ చేసుకోవాలి.

నూనె వేడి చేసి తాలింపు వేసి సన్నగా తరిగిన ఉల్లిపాయ ముక్కలు,

కరివేపాకు వేసి వేయించాలి.

ఇప్పుడు అల్లంవెల్లుల్లి ముద్ద,పసుపు,మిర్చి కొత్తిమీర పేస్ట్ వేసి 

వేయించాలి 

తరువాత ఆలూ వేసి,ఉప్పు,కారం వేసి సన్నని సెగపై బాగా వేగనివ్వాలి.

చివరిగా గరంమసాలా పొడి వేసి  కొంచెం వేయించి దింపెయ్యాలి

ఒక బౌల్ లోకి తీసుకుని కొత్తిమీర చల్లి సర్వ్ చెయ్యాలి

మసాలా బేబీపొటాటోస్