Tuesday, March 13, 2012

సేమ్యా కర్డ్ బాత్

వేసవి ఉదయాల్లో చల్లగా,కమ్మగా ఉండే ఐటం ఇది.చాలా ఈజీగా 

చేసుకోవచ్చు.రెగ్యులర్ టిఫిన్స్ బోర్ కొట్టినప్పుడు వెరైటీగా ఉంటుంది.







కావలసిన పదార్ధాలు:


సేమ్యా                     ఒక కప్పు 

పెరుగు                    ఒక కప్పు 

ఉల్లిపాయ                  ఒకటి 

పచ్చిమిర్చి                ఒకటి  

కారట్                      ఒకటి

అల్లం                     చిన్నముక్క 

కొత్తిమీర                  కొంచెం 

కరివేపాకు                ఒక రెమ్మ 

ఉప్పు                      తగినంత 

కాజూ,నూనె 

తాలింపుకు శనగపప్పు,ఆవాలు,జీలకర్ర,మిరియాలు,ఎండుమిర్చి



తయారు చేసే విధానం:


ఒక గిన్నెలో నీళ్ళు మరిగించి సేమ్యా వేసి ఉడికించాలి.ఉడకగానే 

జల్లెడలో వార్చికొంచెం చల్లని నీళ్ళు పోస్తే సేమ్యాముద్ద కాకుండా

పొడిపొడిగా వస్తుంది

పెరుగును కొంచెం బీట్ చేసి ఉడికించిన సేమ్యా,తగినంత ఉప్పు వేసి 

కలపాలి.

ఇందులో సన్నగా తరిగిన ఉల్లి,మిర్చి,అల్లం, కారట్ తురుము, 

కొత్తిమీర వేసి కలపాలి.

ఒక స్పూన్ నూనె వేడిచేసి తాలింపు వేసి సేమ్యా మిశ్రమంలో కలపాలి.

ఉల్లిముక్కలు,కారట్ తురుము వేయడంతో క్రంచీగా బావుంటుంది.ఇవి 

ఇష్టం లేకపోతే ప్లెయిన్ గా అయినా చేసుకోవచ్చు.

పిల్లలకి వీటి బదులు ద్రాక్ష, దానిమ్మ ఇలా ఫ్రూట్స్ కలిపి కూడా 

ఇవ్వొచ్చు.అలాగే కొంచెం పచ్చికొబ్బరి తురుము వేసినా బావుంటుంది.






Share/Bookmark

2 comments:

రసజ్ఞ

ఇది చదివేసి ఇవాళ పొద్దు పొద్దున్నే మా అక్క చేసేసిందండీ!

లత

థాంక్యూ రసజ్ఞగారూ,

Post a Comment

అభిరుచి   © 2008. Template Recipes by Emporium Digital

TOP