Thursday, December 30, 2010

పాలక్ రైస్


ఆకుకూరలు ఆరోగ్యానికి మంచిదని అందరికి  తెలుసు కదా అందులో 

పాలకూర తో చేసే రైస్ ఐటం ఇది.సింపుల్ గా చాలా త్వరగా 

అయిపోయే  ఈ వెరైటీ కూడా లంచ్ బాక్స్ లో ఇవ్వడానికి చాలా 

బావుంటుంది.








 



కావలసిన పదార్ధాలు :

అన్నం                    రెండు కప్పులు

పాలకూర                 రెండు కట్టలు

ఉల్లిపాయ                ఒకటి

మిర్చి                     ఒకటి

కరివేపాకు                ఒక రెమ్మ

టమాటాలు              రెండు చిన్నవి

అల్లం వెల్లుల్లి ముద్డ     ఒక స్పూను

గరం మసాలా పొడి      ఒక స్పూను

పసుపు                  కొంచెం

ఉప్పు,కారం              తగినంత

కొత్తిమీర                  అర కప్పు.

నూనె                     రెండు టేబుల్ స్పూన్లు

లవంగాలు               రెండు 

దాల్చిన చెక్క            చిన్న ముక్క 


తయారు చేసే విధానం :

నూనె వేడి చేసి లవంగాలు,చెక్క వేయాలి.ఇప్పుడు సన్నగా తరిగిన 

ఉల్లిపాయ,మిర్చి, కరివేపాకులు వేసి దోరగా వేయించాలి.

ఇప్పుడు సన్నగా తరిగిన పాలకూర వేసి చిటికెడు ఉప్పు వేసి నీరంతా 

పోయే  వరకూ మగ్గనివ్వాలి. 

తరిగిన టమాటా ముక్కలు కూడా వేసి ,బాగా వేగి నూనె తేలేవరకూ 

వేయించాలి.ఇప్పుడు అల్లం వెల్లుల్లి ముద్డ ,పసుపు, కారం వేసి 

వేయించాలి.

ఇప్పుడు ఉడికించిన అన్నం, తగినంత ఉప్పు ,గరం మసాలా పొడి 

వేసి బాగా కలపాలి .సన్నగా తరిగిన కొత్తిమీర కూడా వేసి రెండు 

నిమిషాలు వేయించి దింపెయ్యాలి.

పైన కొంచెం కొత్తిమీర తో అలంకరించుకుంటే వేడిగా పాలక్ రైస్  రెడీ 

అవుతుంది.




Share/Bookmark

0 comments:

Post a Comment

అభిరుచి   © 2008. Template Recipes by Emporium Digital

TOP