బీన్స్ - కారట్ పాటోళీ

పాటోళీ  ట్రెడిషనల్ రెసిపీ.బీన్స్,కారట్ బదులు గోరుచిక్కుళ్ళతో కూడా 

ఈ కూర చేసుకోవచ్చు.లేదా మెంతికూర,కాబేజ్ ఇలాంటివి వేసి కూడా 

చెయ్యొచ్చు.రైస్ లోకి,చపాతీలోకి వెరైటీగా బావుంటుంది.

కావలసిన పదార్ధాలు:

 ఫ్రెంచ్ బీన్స్                           ఒక కప్పు 

కారట్                                 ఒక కప్పు 

శనగపప్పు                            ఒక కప్పు 

పచ్చిమిర్చి                            మూడు 

అల్లం ముక్క                         చిన్నది 

జీలకర్ర                                ఒక టీ స్పూన్

కరివేపాకు                            ఒక రెమ్మ 

కొత్తిమీర                              కొంచెం

ఉప్పు,కారం,పసుపు,నూనె,గరంమసాలాపొడి,తాలింపుదినుసులు 

తయారు చేసే విధానం:

బీన్స్,కారట్ సన్నగా తరిగి ఉడికించాలి.

శనగపప్పు నానబెట్టుకోవాలి.ఇందులో అల్లం,మిర్చి,జీలకర్ర వేసి కోర్స్ 

గా గ్రైండ్ చేసుకోవాలి.  

నూనె వేడిచేసి తాలింపు వేసి శనగపప్పు పేస్ట్ వేసి వేయించాలి.కొంచెం 

పొడిగా అయ్యాక బీన్స్ కారట్ వేయాలి.

ఉప్పు,పసుపు,కారం వేసి కలిపి సిమ్ లో కూర పొడిగా అయ్యేవరకు 

వేయించి చివరగా కొత్తిమీర,మసాలాపొడి చల్లి కలపాలి.

వేడివేడి అన్నంలో ఈ కూరతో నెయ్యి వేసుకుని తింటే చాలా రుచిగా 

ఉంటుంది.   

ఇందులో పచ్చిమిర్చి బదులు ఎండుమిర్చి వాడొచ్చు.అలాగే ఇష్టం 

లేకపోతే మసాలాపొడి వేయడం మానెయ్యొచ్చు

           

బీన్స్ - కారట్ పాటోళీ